Türkmenistanyň ilçisi Päkistanyň Senagat we önümçilik boýunça Federal ministri bilen duşuşdy

2024-nji ýylyň 20-nji iýunynda Päkistanyň Senagat we önümçilik ministrliginiň binasynda Türkmenistanyň ilçisi Atadjan Möwlamow Päkistanyň Federal senagat we önümçilik ministri Rana Tanwer Huseýn bilen duşuşdy.

Duşuşykda taraplar ýakyn wagtda boljak sapara taýýarlyk we iki ýurduň arasyndaky söwda we ykdysady gatnaşyklary pugtalandyrmagyň ýollaryny ara alyp maslahatlaşdylar.

Ministr Rana Tanwer Huseýn Päkistan bilen Türkmenistanyň arasyndaky söwda we ykdysady gatnaşyklary pugtalandyrmagyň iň möhüm meseledigini we bu saparyň ikitaraplaýyn gatnaşyklary pugtalandyrmakda möhüm rol oýnajakdygyny aýtdy.

Ilçi Atadjan Möwlamow iki ýurduň arasynda söwda we maýa goýumlaryny ösdürmek üçin bilelikdäki söwda sergisini gurmagy teklip etdi.