Päkistanyň “PTV” döwlet teleýaýlymy Türkmenistanyň Prezidentiniň Mongoliýa saparyny alyp görkezdi

2025-nji ýylyň iýun aýynyň başynda Türkmenistanyň Prezidenti Serdar Berdimuhamedowyň Mongoliýa amala aşyran döwlet sapary baradaky wideo reportažy Päkistanyň “PTV” döwlet teleýaýlymy 4-nji iýunda ýaýlymda görkezdi.

Ýaýlymda Türkmen Liderini dabaraly garşy almak çäresi, Türkmenistanyň Prezidenti Serdar Berdimuhamedowyň Mongoliýanyň Prezidenti Uhnaagiýn Hurelsuh bilen duşuşygynyň esasy pursatlary, şeýle hem ikitaraplaýyn resminamalara gol çekmek dabaralary görkezildi. Mongoliýanyň Prezidentiniň geçen ýylyň oktýabr aýynda Türkmenistana amala aşyran döwlet sapary we onuň dowamynda Magtymguly Pyragynyň doglan gününiň 300 ýyllygyna bagyşlanan Halkara foruma işjeň gatnaşandygy barada agzaldy.

Wideo reportažyň ýaýlymda görkezilmegine Türkmenistanyň sebitde we onuň daşynda özara bähbitli hyzmatdaşlygy ösdürmäge we giňeltmäge gönükdirilen daşary syýasatyna berilýän üns hökmünde seredilýär.