Päkistanyň ýaş diplomatlarynyň halkara mekdebiniň okuwçylary bilen bolan duşuşyk

2024 -nji ýylyň 14-nji fewralynda Yslamabatda Türkmenistanyň Päkistan Yslam Respublikasyndaky Ilçihanasy bu ýurduň Parahatçylygy öwreniş we diplomatiýa institutynyň 5-nji ýaş diplomatlarynyň  halkara mekdebiniň okuwçylary bilen duşuşyk geçirdi.

Türkmenistanyň Päkistandaky Ilçisi A. Möwlamow öz çykyşynda Päkistanyň ähli künjeklerinden gelen geljekgi diplomatlara   Türkmenistanyň Prezidenti Serdar Berdimuhamedowyň alyp barýan daşarky we içerki syýasaty, ýurdumyzyň bitarap döwlet hökmünde Merkezi Aziýada we dünýäde tutýan orny barada giňişleýin gürrüň berdi. Mundan başga-da myhmanlar döwletimiziň aladasy esasynda ýurdumyzyň ýaşalarynyň häzirki we ýagty geljegini görkezýän Hormatly Prezidentimiziň “Ýaşlar-Watanyň daýanjy” atly kitaby bilen tanyş boldular.

Myhmanlanlara Türkmenistanyň şu günki durmuş-ykdysady ösüşini görkezýän we täze gurulan Arkadag şäheri barada taýýarlanan prezentasiýa görkezildi.

Duşuşygyň dowamynda geljekgi diplomatlara bitarap Türkmenistan döwletimiziň daşary syýasatynda Päkistan Yslam Respublikasy bilen gatnaşyklara uly orun berilýändigi, hem-de döwletleriň iki we köp görnüşli formatlarda, şol sanda uly we abraýly halkara we sebitleýin guramalaryň çäklerinde ysnyşykly gatnaşyklary alyp barýandyklary barada aýdylyp geçildi.  

Iki döwletiň arasynda  söwda-ykdysady we ýangyç-energetika ugry boýunça alynyp barylýan taslamalaryň çäklerinde, häzirki döwürde gurluşygy dowam edýän Türkmenistan-Owganystan-Päkistan-Hindistan gazgeçirijisi (TAPI) we onuň bilelikde gurulýan Türkmenistan-Owganystan-Päkistan tok geçirijisiniň  liniýasy (TAP) hem-de Türkmenistan-Owganystan-Päkistan ugry boýunça optiki-süýmli aragatnaşyk kabeliniň çekilýändigi barada giňişleýin gürrüň berildi.

Medeni-gumanitar gatnaşyklaryň çäklerinde  2024-nji ýylyň «Pähim-paýhas ummany Magtymguly Pyragy» ýyly diýlip yglan edilmegi, ýylyň dowamynda halkara derejesinde akyldar şahyrymyzyň 300 ýyllygynyň bellenilmegine bagyşlanan bütin dünýä boýunça geçirilýän çäreleriň ähmiýeti barada hem aýdylyp geçirildi.

 Duşuşygyň dowamynda Halkara TÜRKSOÝ-na agza döwletleriň tarapyndan 2024-nji ýylda “Türki dünýäniň medeni paýtagty” diýlip yglan edilen Änew şäheri barada gürrüň hem berildi.

 Mundan başgada duşuşugyň çäklerinde, päkistanyň geljekgi ýaş diplomatlary  iki ýurduň arasynda medeni-gumanitar ugry boýunça gatnaşyklary mundan beýläk hem giňeltmek we pugtalandyrmak barada gyzyklanma bildirdiler. Olar Türkmenistanyň alayp barýan daşarky we içerki syýasatyna uly baha berdiler, hem-de bilikdäki taslamalaryň uzaga çekilmäni durmuşa geçirilmeginiň wajypdygyny belläp, olaryň Päkistanyň ykdysady ýagdaýyny gowulandyrmaga we sebitiň, umuman dünýäniň ykdysady, ekologiki we syýasy ýagdaýyna oňyn täsir etjekdigini belläp geçdiler.