Türkmenistanyň woleýbol ýygyndysynyň üstünlikli çykyşy

Merkezi Aziýanyň woleýbol konfederasiýasynyň (CAVA) Milletler Ligasynyň oýunlary 11-nji maýdan 17-nji maý aralygynda Yslamabat şäherinde geçirildi.

Bu ýaryşa Türkmenistandan, Owganystandan, Eýrandan, Gyrgyzystandan, Şri-Lankadan we kabul ediji ýurt Pakistanyň milli ýygyndylary gatnaşdy.

Türkmenistanyň milli topary ýokary derejedäki taýýarlygy we oýunçylaryň sazlaşykly hereketleriniň netijesinde ajaýyp oýun görkezdi we finala çykmagy başardy.

Duşuşygyň soňky güni, 17-nji maýda, finalda, türkmen woleýbolçylary ýaryşyň ýer eýesi bolan Pakistanyň ýygyndy toparyndan utuldy we Merkezi Aziýa woleýbol konfederasiýasynyň (CAVA) Milletler Ligasynyň oýunlaryny ikinji ýerde tamamlady.

Türkmenistanyň milli woleýbol toparyny gazanan üstünlikleri bilen tüýs ýürekden gutlaýarys we geljekde hasam ýokary üstünlikleri gazanmak arzuw edýäris.