Türkmenistanyň Yslamabatdaky Ilçihanasynda energetika hyzmatdaşlygyň mümkinçilikleri ara alnyp maslahatlaşyldy

2026-njy ýylyň 12-nji martynda Yslamabat şäherindäki Türkmenistanyň Ilçihanasynda “Orient Petroleum Inc.” kompaniýasynyň baş ýerine ýetiriji direktory Kamran Ahmadyň ýolbaşçylygyndaky wekiliýet bilen duşuşyk geçirildi.

Duşuşygyň dowamynda päkistan kompaniýasynyň wekilleri ýurtlarymyzyň arasynda özara bähbitli ikitaraplaýyn hyzmatdaşlygyň uly mümkinçilikleriniň bardygyny belläp, energetika ulgamynda hyzmatdaşlygy mundan beýläk-de ösdürmäge gyzyklanma bildirýändiklerini beýan etdiler.

Türkmen tarapy Türkmenistanyň energetika pudagynyň barha artýan eksport mümkinçilikleri barada gürrüň berip, tebigy gazyň dünýäde öňdebaryjy öndürijileriniň biri hökmünde Türkmenistanyň eksport ugurlaryny diwersifikasiýalaşdyrmaga, uglewodorod serişdelerini gazy almak we gaýtadan işlemek boýunça öňdebaryjy tehnologiýalary ornaşdyrmaga, şeýle hem dünýäde energiýa serişdeleri babatda artýan islegi kanagatlandyrmak maksady bilen halkara hyzmatdaşlygyny giňeltmäge yzygiderli üns berýändigi nygtaldy.

Duşuşygyň ahyrynda taraplar türkmen-päkistan hyzmatdaşlygyny mundan beýläk-de çuňlaşdyrmaga we diwersifikasiýalaşdyrmaga bolan gyzyklanmalaryny tassykladylar.