Päkistanyň Habib Rafiq (Pvt.) Ltd. kompaniýasy Türkmenistan bilen hyzmatdaşlyga gyzyklanma bildirýär

2026-njy ýylyň 14-nji maýynda Türkmenistanyň Päkistandaky Ilçihanasynda Päkistanyň Habib Rafiq (Pvt.) Ltd. kompaniýasynyň baş dolandyryjy direktory Aslam Maligiň ýolbaşçylygyndaky wekiliýet bilen duşuşyk geçirildi.

Duşuşygyň dowamynda taraplar ikitaraplaýyn hyzmatdaşlygyň giň mümkinçiliklerini hem-de gurluşyk, maýa goýum we häzirkizaman tehnologiýalaryny ornaşdyrmak ugurlarynda hyzmatdaşlygy giňeltmegiň geljegini ara alyp maslahatlaşdylar.

Türkmen tarapy gatnaşyjylara Türkmenistanda ulag we inženerçilik düzümlerini döwrebaplaşdyrmaga, häzirkizaman awtomobil ýollaryny gurmaga hem-de senagat desgalaryny ösdürmäge gönükdirilen iri möçberli taslamalar barada gürrüň berdi.

Duşuşygyň ahyrynda taraplar işewürlik gatnaşyklaryny mundan beýläk-de ösdürmäge hem-de özara gyzyklanma bildirilýän ugurlar boýunça netijeli dialogy dowam etdirmäge taýýardyklaryny beýan etdiler.